Ngā Paearu Mō Ngā Pouako Kua Rehitatia

 i) ka whai kia matatika, kia wairua koha, kia wairua pai, kia tauawhiawhi hoki ngā hononga ngaio ki

• ngā ākonga
• ngā hoa pouako, ngā kaimahi tautoko me ērā atu mātanga e whai wāhi mai ana ki āna mahi
• ngā whānau me ērā atu kaitiaki o ngā ākonga
• ngā umanga, ngā rōpū me ngā tāngata o te hapori

i) ka whakapau kaha kia noho tōna wāhi ako hei wāhi haumaru taha tinana, taha pāpori, taha ahurea, taha kare ā-roto hoki

ii) ka whai whakaaro nui ki ngā reo, ngā āhuatanga tuku iho me ngā ahurea o ngā ākonga katoa

iii) ka ū ki tā ngā waeture me ngā ture e hāngai ana i whakahau ai

i) ka whakawhiti kōrero me ōna hoa mahi kia tautohua ai ētahi whāinga ngaio mōna ake.

ii) ka mahi kia whaihua tonu tana uru ki ngā akoranga ngaio o tana hapori ako

iii) ka whakarite i ētahi akoranga hei whai māna, hei whakapiki i ōna ake mōhiotanga ngaio, pūkenga hoki

ii) ka kawe tika i ngā mahi kua tohua māna e pīkau

i) ka mārama tonu te whakatakoto i āna whāinga whakaako, ka whai tikanga ana kōrero hei taunaki i te kōwhiringa o ēnei whāinga, ā, ka whakatinana anō i ngā whāinga nei i roto i āna mahi

ii) mā roto i ngā mahi whakamahere me ngā whakaakoranga, ka kitea tōna mōhio, tōna mārama hoki ki ngā mea e whakaakona ana, ki ngā kaupapa ako, me ngā marautanga e tika ana

i) ka whakahaere tika i te akomanga me te whakauru i ngā rautaki e hihiri ai ngā ākonga

ii) ka whakatītina i ngā ākonga kia ngākau whakapono, kia whakaaro rangatira, kia mahi tahi, tētahi ki tētahi

ii) ka whakatakoto huarahi mā ngā ākonga, ka tautoko anō i a rātou, e taea ai tā rātou whakamahi i ngā akoranga hou i roto i ētāhi horopaki rerekē

iii) ka akiaki i ngā ākonga kia riro mā rātou anō e whakataki ā rātou akoranga, ā rātou whanonga

iv) ka āwhina i ngā ākonga ki te āta wānanga i ngā mōhiohio me ngā whakaaro, ki te huritao hoki i tā rātou i ako ai

ii) ka āta tīpako i ngā huarahi whakaako, ngā rāuemi, ngā hangarau, ngā ngohe ako, me ngā ngohe aromatawai e kauawhi ana, e whaihua ana ki ngā momo ākonga huhua

iii) ka āta whakarerekē i ana huarahi whakaako i ngā wā e tika ana, kia hāngai ai ki ngā hiahia o ngā ākonga, ahakoa takitahi mai, ahakoa rōpū mai.

ii) ka mahi kia hāngai tonu, kia whaihua hoki tana aro nui ki ngā tūmanako taha mātauranga o ngā ākonga Māori, me te akiaki i a rātou kia eke ki ngā taumata teitei o te mātauranga

ii) ka whakamahi i ngā mōhiohio aromatawai hei whakahoki kōrero māna ki ngā ākonga i ōna wā anō, hei ārahi, hei tautoko i tā rātou ako

iii) ka āta tātari i ngā mōhiohio aromatawai, e pai ai tana huritao, tana arotake hoki i te pai o ngā whakaakoranga

iv) ka whakaputa kōrero ki ngā tāngata o te hapori e tika ana mō ngā aromatawaitanga me te tutuki pai o ngā mahi

v) ka whakarite kia whai wāhi mai ngā whānau ki te kohinga me te whakamahinga o ngā mōhiohio e pā ana ki te ako a ngā ākonga

ii) ka ngaio te urupare ki ngā whakahoki kōrero mai a ngā tāngata o tana hapori ako

iii) ka āta whakawāwā i ōna ake whakapono, tae atu ki ngā whakapono ahurea, me te pānga mai o ēnei ki āna mahi ngaio me te tutuki pai o ngā mahi i ngā ākonga